Sterk kost! Tidligere i uka fant jeg et brev fra min sønn.
Han hadde skrevet – for hånd – til både meg og mora (min ekskone). Brevet er så
treffende, velformulert og allmenngyldig at jeg velger å dele det. Selvsagt
med tillatelse fra min sønn.
”Kjære mor og far. Eg skriv dette til dykk
fordi eg ikkje trur eg klarer å halde meg roleg om me tok dette munnleg akkurat
no. Det er for viktig for meg. For alvorleg.
De vaksne trur de forstår oss barn og unge så
godt. Spesielt dykkar eigne ungar. Men de har ikkje peiling! De trur at å vera
ung i dag er som å vere ung den gong de sjølve var det. Men korleis kan de
klara å forstå oss når det ikkje fanst smarttelefonar (knapt nok
mobiltelefonar) når de var tenåringar? Korleis kan de forstå kvifor me søv så
lite om nettene når de ikkje har nokon idé om korleis det er alltid å (måtte?)
vera tilgjengeleg på Snapchat, Messenger, Whatsapp og whatnot? Korleis kan de
forstå presset me føler når det er de som legg presset på oss? Eit press om å
drive med fritidssyslar som de
ynskjer at me skal driva med. Fritidssyslar som ikkje ein gong fantes då de
sjølve vaks opp. Det verkar meir som presset betre kan beskrivast som at me skal
oppfylla og leva ut dei draumane de sjølve ikkje makta å realisera.
Joda, det har alltid vore tøft å vera ung. Men
det må sjåast ut frå av den tida ein er ung i. Me kan ikkje samanlikna korleis
det er å vera ung i dag med korleis det var på Sokrates si tid (han sa jo noko
om dei eldre sitt privilegium og kritikk av ungdom), nett som me ikkje kan
samanlikna korleis det var å vakse opp på 80- og 90-talet med korleis det var
og er å ha vakse opp etter år 2000. For dykk som vaks opp i førre tusenår var det
aldri ei problemstilling at foreldra dykkar delte bilete av dykk for heile
verda på sosiale media (som sjølvsagt ikkje fanst).
Me som veks opp i dag har problemstillingar de
aldri hadde då de sjølve var unge. Problemstillingar de ikkje kan forstå fordi
de ikkje fullt ut kan forstå korleis verda til dei unge er i dag. Me kan så
mykje som de aldri lærte fordi de aldri vart eksponert for det.
Min påstand er at de trur de forstå, men at de
ikkje maktar det og difor må leve i illusjonen
om at de forstår. Grunnen er at de a) ikkje forsøker verkeleg å forstå ut frå vårt perspektiv, berre dykkar
eiga og b) ikkje fullt ut kan forstå fordi de ikkje lever midt oppi det me gjer.
Kjære foreldre:
Nei – det er ikkje kult å ta sjølfie med dykk.
Nei – det er ikkje greitt at dykk tar bilete
av oss utan å spørja, og det er i alle fall ikkje greitt at dykk deler bileta.
Især ikkje utan vårt samtykke!
Nei – det er ikkje smart når de forsøker å skremme
oss frå å bruke ulike sosiale media eller forsøker å forby bruk av dei og
diverse nettstader. Det finst betre måtar å ta dette på.
Nei - det er ikkje akseptabelt at me skal bli det de sjølve aldri makta å bli. De skal ikkje leve ut tapte draumar gjennom oss!
Nei – det er korkje særleg lurt eller
forståingsfullt av dykk å straffa oss med å ta frå oss telefon, nettbrett,
laptop, wifi etc. fordi lærarane våre sender dykk ein e-post om at me verkar
trøytte og uopplagde. Det gjer berre at me ligg vakne ennå lenger om nettene,
undrande på kva dei andre diskuterer, snappar og melder om medan me er heilt ekskluderte.
De ekskluderer oss altså med å gjera dette. Straffa verkar mot si hensikt. Det
er heilt feil ende å starta i. Eg føreslår at de tek initiativ til mange
samtalar med oss om dette (ikkje gi dykk), og at de spør oss om råd og faktisk
lyttar til dei når de først har fått dei. Elles blir det dykkar løysningar på våre
utfordringar. Utfordringar som de korkje eig eller forstår.
Kjære far og mor – forsøk som best de kan å sjå
verda og problemstillingar frå perspektivet til oss barn og unge før de fattar
dårlege avgjersler på tynt eller manglande grunnlag.
Ver så snille å lesa dette nokre gonger før de
spør om å prata med meg. Om de ikkje kan akseptera at det for mange faktisk
opplevast slik eg har skrive, er det ingen vits i å prata om dette, fordi då
har de allereie bestemt dykk for at eg har feil og de har rett. Då blir dykkar
mål med samtala å få meg til å bli mest mogleg samd med dykk.
Me snakkast.
Glad i dykk begge!”
Ingen kommentarer:
Legg inn en kommentar